VOV4.Jarai-Ƀrô hơdor glăi tal 110 thun hrơi tơkeng kơ Khua tơhan krên dên ơi Võ Nguyên Giáp lơ 25/8/1911-lơ 25/8/2021, tlam mơmŏt lơ 21/12, Khua dêh čar ơi Phạm Minh Chính hrom hăng khua mua mơ̆ng gơnong dlông laih anun tơring čar Quảng Bình nao čuh ñang h’ŭ kơ Khua tơhan krên dên ƀơi pơsat Khua tơhan krên dên či Vũng Chùa-Đảo Yến, să Quảng Đông, tơring glông Quảng Trạch, tơring čar Quảng Bình.

Amăng mông ngă yang h’ŭ sit nik, Khua dêh čar ơi Phạm Minh Chính hrom hăng ƀing khua mua mơ̆ng gơnong dlông nao dưm guang bơnga, čuh ñang h’ŭ hăng kup akŏ sa mơnit, pơdah pran jua hơdor tơngia, pơpŭ kơ mơnuih khin hơtai kah hăng Khua tơhan krên dên ơi Võ Nguyên Giáp, sa čô mơnuih čih ră ruai pioh amăng tơlơi akhan djuai ania, čơđai sang hră, jĕ giăm, rơgơi tloh noh mơ̆ng Khua mir sir Hồ Chí Minh, jing mơnuih kah hăng ayong kơčuă mơ̆ng ling tơhan mơnuih ƀôn sang Việt Nam, sa čô ană bă hur har mơ̆ng plơi pla tơring čar Quảng Bình laih anun hơdor tơngia, pơpŭ kơ pran jua ai hơtai prong prin mơ̆ng Khua tơhan krên dên amăng bruă hơkrŭ hing ang mơ̆ng Ping gah laih anun djuai ania ta.

Nay Jek: Pơblang