VOV4.Jarai-Ră anai, amăng tơring čar Dak Lak phrâo hơmâo 7 amăng mrô 800 boh anom bruă ĕp lăng, dưi čan prăk tui Hră pơtrun 68/NQCP kơ hơdră djru mơnuih mă bruă laih anun pô sang bruă apah mơnuih mă bruă bưp tơlơi tơnap tap yua klin covid 19 ngă. Phun ñu lĕ anom bruă sĭ mơdrô ƀiă đơi pơčruh prăk pơhlôm nua kơ mơnuih mă bruă, sa tơlơi gêh găl khom ngă kiăng dưi čan prăk djru.

Rơđah biă ñu phrâo hơmâo 4 boh anom bruă ƀơi plơi prong Ƀuôn Ma Thuôt hăng 3 boh anom bruă pơ tơring glông, plơi prong pơkŏn dưi čan prăk mơ̆ng sang bruă prăk djru mơnuih mơnam tơnap tap tơring čar hăng rơnoh prăk 1.042 klăk prăk. Khua mua brơi čan prăk mơ̆ng sang bruă hơmâo tơña 800 boh anom bruă sĭ mơdrô hơmâo pơčruh prăk pơhlôm nua kơ mơnuih mă bruă apah amăng tơring čar, laih anun ƀuh rơđah mrô prăk pơčruh brơi prăk nua mă bruă kơ mơnuih mă bruă apah aset biă mă pơkă hăng mrô mơnuih mă bruă sit nik, ba truh mrô prăk čan tui hơdră kơnuk kơna djru ăt ƀiă mơ̆n.

Nay Jek: Pơblang