VOV4.Jarai - Hlăk ai plơi prong Buôn Ma Thuột (Dak Lăk) amra mă rơdêh ba hyu gơnam tơl sang djru brơi sang anŏ rin ƀơi hơdôm boh să, phường dŏ ƀơi plơi prong Buôn Ma Thuột, Dak Lăk, pơphun mơng lơ 31/7. Tui hăng anom pơphun bruă, bruă anai hơmâo ngă truh abih lơ 7/8 pơ anăp, kah pơpha jing 5 tal ƀơi 10 boh să, phường ƀơi plơi prong Buôn Ma Thuột, Dak Lăk. Him lăng amra brơi 1.000 anung gơnam kơ mơnuih tơnap tap kah hăng sang anŏ rin, dŏ hơjăn păn, ƀing rơwen rơwô, mơnuih hơmâo tơlơi ruă ƀu thâo suaih, ƀu hơmâo bruă mă ƀudah ngă bruă ƀu hơmâo prăk pơhrui hơđong. Rim anung hơmâo 5 kg braih, ia tương, ia măm, sik, bôt ngôt hăng añăm pơtăm, boh troh.

Siu H’Mai: Pơblang