VOV4.Jarai - Kiăng djru ƀa gơnam yua gah ia jrao, pơgang klin Covid-19, pơ ala kơ Kông ti Apui lơtrik Dak Lăk phrâo brơi 100 blah sum ao pơgang klin hăng 100 blah khăn gôm ia jrao (djuai P-95 juăt yua gah ia jrao) kơ Sang ia jrao prong plơi prong Buôn Ma Thuột, tơring čar Dak Lăk. Prăk blơi gơnam kơ sang ia jrao tal anai lĕ 20 klăk prăk. Hơmâo mă gơnam djru, pơ ala kơ Sang ia jrao prong plơi prong Buôn Ma Thuột lăi, klin Covid-19 glăk ngă tơnap biă mă, plơi prong Buôn Ma Thuột lăi hơjăn hăng tơring čar Dak Lăk lăi hrŏm glăk hơmâo lu mơnuih ƀă klin, bruă čơkă gơnam yua gah ia jrao djru kơ ƀing ơi ia jrao lĕ kiăng hơđong pran jua ngă bruă, pơgang klin.

Siu H’Mai: Pơblang