VOV4.Jarai - Mơguah hrơi anai, lơ 4/8, tơring čar Dak Lăk hơmâo čơkă 59 čô mơnuih lĕ mơnuih mă bruă glăk dŏ pơ ƀon prong Hồ Chí Minh glăi pơ plơi pla hăng brơi dŏ pơčlah ha anih tui tơlơi pơtrun. Gơñu lĕ ƀing kông ñơn ngă bruă ƀơi kông ti TNHH Worldon Việt Nam, gah kual Sang măi Đông Nam, tơring glông Củ Chi, ƀon prong Hồ Chí Minh rơkâo glăi pơ plơi pla. Kiăng djru brơi ƀing kông ñơn dưi glăi pơ plơi pla rơnuk rơnua, ƀon prong Hồ Chí Minh git gai hơdôm anom bruă pơčrang kman hmar kơ ƀing kông ñơn; Khua mua wai lăng Sang măi  Đông Nam, tơring glông Củ Chi hrŏm hăng Kông ti TNHH Worldon Việt Nam pre lui 3 boh rơdêh pơgiăng kông ñơn hăng 1 boh rơdêh pơgiăng rơdêh ƀing gơñu jao kơ tơring čar Dak Lăk. Lơ̆m ƀing kông ñơn glăi truh pơ tơdrông 14 ƀơi să Hoà Phú, plơi prong Buôn Ma Thuột, tơhan kông ang wai lăng jơlan hơmâo čơkă hăng ba jơlan nao hlao pơ anih dŏ pơčlah ƀơi Ký túc xá tơhan wai lăng rơnuk rơnua - Sang hră Đại học Tây Nguyên.

Ƀing kông ñơn glăi pơ anih dŏ pơčlah pơ sang hră Đại học Tây Nguyên.

Siu H’Mai: Pơblang