VOV4.Jarai - Tui hăng mrô jŭ mơng Gơnong bruă Mơnuih mă bruă - Tơhan rơka hăng Mơnuih mơnam tơring čar Dak Lăk, mơng blan 7/2021 truh ră anai, tơring čar hơmâo rơbêh 75.000 čô mơnuih glăi mơng hơdôm boh tơring čar pơkŏn. Kơnong amăng akŏ blan 10 truh ră anai, hơmâo giăm 26.000 čô mơnuih. Amăng anun lu biă ñu lĕ kông ñơn glăk mă bruă pơ sang măi pơkra gơnam ƀơi Bình Dương, Đồng Nai, ƀon prong Hồ Chí Minh.

Kiăng djru ba ƀing anai, gơnong bruă pơhiăp nao rai hăng hơdôm tơring čar kiăng yua mơnuih mă bruă, đah mơng iâu mơnuih mă bruă lơ̆m hơdôm boh sang măi pơkra gơnam glăi tui hơđăp tơdơi kơ abih klin. Hăng ƀing mă bruă kiăng dŏ glăi mă bruă pơ tơring čar, gơnong bruă ăt kiăng anom bruă wai lăng mơnuih mă bruă djŏp tơring glông, plơi prong čih anăn đah mơng hơmâo hơdră ngă bruă, djru ba lăp djơ̆. Kiăo tui tơlơi pơtrun 128 mơng Kơnuk kơna ƀrô pơgang klin, ƀrô hơkrŭ glăi tơlơi bơwih ƀong, ƀơi Dak Lăk, hăng ƀing kiăng dŏ glăi, tơring čar amra pơmin lăng hơdră djru bruă mă brơi, djru hơđong tơlơi hơdip amăng hrơi mông anai.

Siu H’Mai: Pơblang