VOV4.Jarai-Anom bruă Pơtô hăng pơjuăt tơring čar Dak Lak hlăk pok pơhai hơdră djru čơđai sang hră  amăng thun hrăm phrâo 2021-2022. Amăng anun gleng nao, djru đut tơhnal kơ čơđai sang hră F0, F1 hăng čơđai sang hră amăng kual guang dar hĭ yua klin Covid 19. Truh lơ 15/9, abih bang čơđai sang hră amăng tơring čar Dak Lak mut thun hrăm phrâo.

Dak Lak djru kơ čơđai sang hră bơbeč yua klin Covid 19 ngă

Tui hluai tơlơi gêh găl sit nik ƀơi plơi pla amra ruah mă hơdră pơtô hrăm djơ̆ lăp. Samơ̆, tui hăng tơlơi jŭ yap mơ̆ng Gơnong bruă pơtô hăng pơjuăt đơ đam tơring čar hơmâo giăm 90 čô čơđai sang hră F0 hăng rơbêh 13 rơbâo 200 čô čơđai sang hră khom dŏ pơčlah laih anun dŏ amăng ani guang dar hĭ, pioh djru kơ ƀing čơđai hơđong pran jua amăng hrơi mông dŏ pơčlah guang dar pơjrao tơlơi ruă hăng pơgang klin, Gơnong bruă Pơtô hăng Pơjuăt hơmâo git gai djop sang hră pơtrut bruă pơtô pơblang, pơtrut pơsur ƀing amĭ ama čơđai sang hră, čơđai sang hră ngă tui khut khăt tơlơi pơtrun pơhlôm, pơgang klin Covid 19.

Nay Jek: Pơblang