VOV4.Jarai-Hăng tơlơi gum hrom mơ̆ng lu anom bruă, mơnuih tơpuôl hăng mơnuih ƀôn sang, amăng hơdôm hrơi rơgao, Jơnum min djop djuai ania mơnuih mơnam Việt Nam tơring čar Dak Lak hơmâo pơtum 200 tơn añăm djop mơta, djru kơ ƀôn prong Hồ Chí Minh, ba nao kơ mơnuih ƀôn sang kual hơmâo klin.

Hơdôm boh rơdêh pơgiăng gơnam mơ̆ng djop tơring glông pơƀut pơ

anom bruă khua hlăk ai tơring čar

Hăng bruă mă pơtruh nao rai amăng tơlơi pơhing facebook, ƀu kơnong mơnuih ƀôn sang tơring čar Dak Lak ôh, wơ̆t hăng mơnuih ngă hmua pơ Lâm Đồng djru, mơ-it gơnam tam añăm pơtam pioh djru mơnuih ƀôn sang kual hơmâo klin covid 19 hlăk guang dar amăng ƀôn prong Hồ Chí Minh.

Añăm pơtam kah pơpha hĭ, ngă rơgoh hlâo kơ ba nao pơ ƀôn prong Hồ Chí Minh

Yă H’Kim Hoa Ƀyă, Khua anom bruă Jơnum min djop djuai ania mơnuih mơnam tơring čar Dak Lak brơi thâo, sa wơ̆t hrơi tơjuh rơgao, hơmâo pơƀut hĭ truh 200 tơn añăm pơtam, boh troh. Gơnam anai ba nao pơtum sa anih pơpha hĭ hơdôm añăm pơtam răm laih mă lui hĭ, duñ mă anŏ hiam ba nao pơ ƀôn prong HCM.

Hơdôm rơdêh pơgiăng añăm dưm amăng kơdung ƀudah anung hĭ ba nao bă hăng tơlơi khăp pap, djru nao rai mơ̆ng mơnuih ƀôn sang Dak Lak gum tơngan hrom pơgang klin ƀơi dêh čar ta.

Nay Jek: Pơblang