VOV4.Jarai-Lơ 16/6, anom bruă ia jrao tơring čar Dak Lak pơphun pok pơhai tlâ̆o ia jrao pơgang vaccine covid 19 tal 2 kơ giăm 30 rơbâo čô mơnuih jing ƀing mă bruă gleng nao hlâo hloh amăng tơring čar. Tal anai, Dak Lak tŭ mă 27 rơbâo 210 liêu vaccine AstraZeneca.

Abih bang mơnuih gleng nao brơi tlâ̆o tal dua lĕ 29 rơbâo 900 čô ƀơi Dak Lak

Amăng anun, mrô mơnuih brơi tlâ̆o pơgang lĕ, ƀing dŏ mă bruă pơgang klin aka ƀu tlâ̆o ôh tal 1 kah hăng ƀing ơi ia jrao, mơnuih ngă hrom nao pơgang klin, ling tơhan blah ngă, tơhan kông an, ƀing ngă bruă pơgiăng tuai amăng rơdêh, rơdêh por; ƀing bơwih bơwang bruă ba ia yua, apui lơtrik, nai pơtô mơ̆ng gưl muai truh pơ gưl sa; ƀing ngă bruă amăng anih pơtô hrăm; ƀing ngă bruă anom bruă kơnuk kơna, sang bruă djru bruă mơnuih ƀôn sang kah hăng djop sang bruă pơ plơi prong Ƀuôn Ma Thuôt. Ƀing tlâ̆o tal 2 hơmâo 8 rơbâo 113 čô mơnuih mă bruă amăng sang ia jrao hơmâo tlâ̆o laih arăt jrum tal 1.

Tal dua pok pơhai tlâ̆o vaccine pơgang covid 19 lĕ, ƀu tlâ̆o kơ ƀing mơnuih hơmâo tơlơi ruă ƀu thâo pơjrao hăng ƀing tha rơma rơbêh 65 thun.

Nay Jek: Pơblang