VOV4.Jarai - Truh mông anai, tơring čar Dak Lăk hơmâo tlâ̆o brơi 82% vaccine arăt 1 hăng rơbêh 10% arăt 2 kơ mơnuih mơng 18 thun. Tơring čar gir abih blan 11 anai hơmâo tlâ̆o giong arăt 1 laih anun abih thun 2021 amra tlâ̆o djŏp vaccine dua arăt kơ 1 klăk 500 rơbâo čô mơnuih.

Tơring Dak Lăk gir abih thun 2021 amra tlâ̆o djŏp vaccine dua arăt kơ 1 klăk 500 čô mơnuih.

Ơi ia jrao Trịnh Quang Trí - Khua Anom bruă Wai pơgang tơlơi duam ruă tơring čar Dak Lăk brơi thâo, tơring čar ăt hơmâo hơdôm rơtuh čô mơnuih ƀă klin rim hrơi, laih anun Ding jum ia jrao hơmâo pơpha brơi vaccine kơ Dak Lăk kiăng pơtrut tañ ƀiă bruă tlâ̆o vaccine pơgang Covid-19. Bruă kiăng ngă truh abih blan 12 thun anai, lơ̆m hơmâo mă djŏp vaccine, tlâ̆o brơi djŏp 2 arăt kơ ƀing tha mơng 18 thun laih anun 205 rơbâo čô mơnuih mơng 12 truh 17 thun.

Siu H’Mai: Pơblang