VOV4.Jarai-Khua mua anom bruă ĕp lăng tơlơi duăm ruă tơring čar Dak Lak pơtong sit, ƀơi tơring čar anai hơmâo dơ̆ng sa čô mơnuih ƀă kman sars-cov-2. Anun lĕ Y T H M dŏ pơ ƀôn Drañ A să Dak Liêng, tơring glông Lak, mơnuih ngă kông ñơn pơ ƀôn prong HCM. Lơ 26/6/2021 pô anai, đĭ rơdêh pơgiăng tuai mơ̆ng ƀông prong HCM glăi pơ sang. Mơguah lơ 27/6, ñu nao pơ anom bruă ia jrao tơring glông pơhaih bruă ia jrao. Giong arăng test pơčrang lăng kman ƀuh ñu hơmâo kman sars-cov-2, giong anun arăng ngă tui hơdră pơčrang kman PCR ăt ƀuh hơmâo kman sars-cov-2 biă mă laih.

Anom bruă kơnuk kơna gah bruă ia jrao hlong hơduah ĕp 3 čô mơnuih jĕ giăm ñu jing ƀing F1 brơi nao dŏ pơčlah mơtam, mă ia khak mơ̆ng 26 čô mơnuih pơkŏn hơmâo jĕ giăm hăng ñu; laih anun pơjing anih pơgăn jơlan nao rai pơ ƀôn Drañ A hăng pruih ia jrao pơdjai kman amăng kual giăm sang anŏ pô anai.

18 čô tuai đĭ amăng rơdêh pơgiăng tuai hrơi anun glăi mơ̆ng ƀôn prong HCM truh pơ Dak Lak hrom hăng pô ƀă kman klin ăt ăt brơi nao dŏ pơčlah abih.

Nay Jek: Pơblang