VOV4.Jarai - Mơguah lơ 21/12, ƀơi să guai dêh car ia Lốp, tơring glông Ea Súp, tơring čar Dak Lăk, pô pơ ala kơ Tơhan pơgang guai tơring čar ngă hrŏm hăng gong gai plơi pla, ƀing juăt djru mơnuih tơnap pơphun mă yua Sang ia jrao tơhan mơnuih ƀon sang; djru bruă bơwih ƀong huă hăng brơi gơnam, khăm pơjrao tơlơi ruă, brơi ia jrao kơ mơnuih ƀon sang ƀơi anai. Anai lĕ bruă ngă lơphet 77 thun akŏ pơdong Khul ling tơhan Việt Nam hăng hrơi abih bang mơnuih ƀon sang pơgang lŏn ia (22/12).

Tui hăng Thượng tá Phạm Minh Tuyên - Kơ-iăng khua git gai tơhan pơgang guai Dak Lăk, ră anai anom bruă wai lăng jơlan guai glông rơbêh 73 km, hăng 4 boh să ƀơi 2 boh tơring glông Ea Súp hăng Buôn Đôn, giăm 42% mrô mơnuih lĕ neh met wa djuai ƀiă. Amăng bruă djru ba mơnuih ƀon sang, pơjing kơjăp tơlơi đăo gơnang mơng mơnuih ƀon sang, Tơhan pơgang guai Dak Lăk hơmâo pơphun lu bruă djru mơnuih mơnam, djru pơđĭ kyar hăng wai lăng tơlơi suaih pral.

Siu H’Mai: Pơblang