VOV4.Jarai - Tơdơi kơ 2 wơ̆t hrơi tơjuh pơdơi mă hră pơ-ar mơng mơnuih ƀon sang, mơnuih mă bruă hơmâo mơng 30 truh 50% mrô mơnuih yua glăk pơčlah mơnuih mơnam tui tơlơi pơčrâo trun mrô 16 mơng Khua dêh čar, Anom bruă ngă hră pơ-ar Dak Lăk mă bruă glăi tui hơđăp laih, abih bang mơnuih nao mă bruă, ƀrô djru pơkra brơi hră pơ-ar rơkâo mơng mơnuih ƀon sang tañ hloh, ƀrô wai lăng mơnuih nao rai pơ anom bruă ngă hră pơ-ar rim hrơi đah mơng huăi ƀă klin. Yua tơlơi kiăng pơkra brơi hră pơ-ar mơnuih mơnuih ƀon sang lu biă, hơdôm anih mă bruă hơmâo iâu abih mơnuih mă bruă nao čơkă, pơsir brơi hră pơ-ar kiăng pơhlôm dưi ngă dua mơta bruă: ngă brơi hră pơ-ar tañ, khut khăt pơhlôm, pơgang klin, gir djă bong hăng pơđĭ tui hră pơ-ar dưi pơsir brơi lăp djơ̆ hăng hlâo hrơi pơkă hơmâo rơbêh 99,9%.

Siu H’Mai: Pơblang