VOV4.Jarai - Kual Dap Kơdư glăk amăng bơyan hơjan laih, khă hnun, ƀơi sa, dua sa ƀơi tơring glông Ea Súp, tơring čar Dăk Lăk amăng lu hrơi laih ƀu hơmâo ia hơjan ngă không phang čơđang lŏn. Ayuh hyiăng ƀu lăp jing ngă rơbêh 9.000 ektar phun pla kah hăng pơdai, kơtor, hơbơi plum, rơtă lêng kơƀah ia, lu đang pla amra jing lui soh tơdah ƀu hơmâo ia. Tui hăng Anom bruă ngă hmua hăng pơđĭ kyar plơi pla tơring glông Ea Súp, thun anai ayuh hyiăng ƀu lăp, akŏ bơyan lĕ hơjan nao mơtăm, tơdơi kơ anun ƀu hơjan dong tah jing phang khot, krô lŏn, ngă kơ rơbêh 9.000 ektar bơbeč yua, pơƀut ƀơi dua boh să Čư̆ K’bang hăng Čư̆ M’lan. Tơring glông ngă hră pơ-ar rơkâo djru ba mơnuih ƀon sang rơngiă gơnam yua adai ƀu lăp ngă. Truh tơdơi anai, tơring glông kiăng hơmâo sa dơnao kŏng ia pioh ngă hmua.

Siu H’Mai: Pơblang