VOV4.Jarai-Jơnum min mơnuih ƀôn sang tơring glông Ea Hleo, tơring čar Dak Lak brơi pơdơi bruă Khua hăng kơ-iăng khua să Ea Nam yua pơgang klin ƀu tong ten. Yap truh lơ 5/9, tơring glông Ea Hleo hơmâo 112 čô mơnuih ƀă Covid 19, kơnong să Ea Nam hơmâo 73 čô, jing anih ƀă klin lu hloh amăng tơring glông Ea Hleo. Tui hăng hră pơtrun mrô 2906 hăng 2908, Khua tơring glông Ea Hleo brơi pơdơi bruă jăng jai Khua hăng kơ-iăng khua să Ea Nam ơi Nguyễn Văn Nhiệm hăng kơ-iăng ñu Kpă Y Chưc rơwang bruă thun 2021-2026.

Hrơi blan pơdơi bruă jăng jai amăng 15 hrơi pioh sem glăi, ĕp rơđah tơlơi soh mơnuih ngă khua amăng bruă git gai, pơgang klin Covid 19 amăng să Ea Nam. Să Ea Nam brơi mơnuih ƀôn sang pơtum lu mơnuih jôk atâo djai, ngă soh tơlơi pơčrâo 15 mơ̆ng Khua dêh čar, ngă ƀă hyu klin kơtang amăng plơi pla mơnuih ƀôn sang.

Hrơi blan pơdơi bruă jăng jai, Khua jơnum min mơnuih ƀôn sang să Ea Nam Nguyễn Văn Nhiệm amra jao glăi bruă kơ kơ-iăng tal ñu, Nguyễn Văn Tiến ngă bruă pơ ala.

Nay Jek: Pơblang