VOV4.Jarai-Mơguah lơ 11/6, ƀơi sa Ea Uy, tơring glông Krông Pač, anom bruă tơdăm dra mut phung Dak Lak jơnum pơphun bruă mă hlăk ai tơdăm dra mut phung mă bruă pơyơr pran jua bơyan pơdơi prong thun 2021 hăng lu bruă mă anăp nao pơ kual plơi pla. Bruă mă blan ƀing hlăk ai pơyơr pran jua bơyan pơdơi prong thun anai tơring čar Dak Lak, pơphun bruă mă kah hăng man pơdong 1 boh sang khăp pap hăng pơkra sa boh tơdron pah boh lông, dăng hrĕ apui lơtrik 1 km bơngač jơlan plơi; ƀơk 30 anung gơnam kơ sang anŏ hơmâo anăn kơnuk kơna djru dŏ tơnap tap; pơtô kơ bruă pơhlôm pơgang klin Covid 19. Y

Lê Pas Tơr, Kơ-iăng Khua git gai anom bruă tơdăm dra mut phung tơring čar Dak Lak brơi thâo, hrom hăng lu bruă ngă pơtrut bơwih ƀong huă mơnuih mơnam; man pơdong plơi pla phrâo, plơi prong rơgơi; lu bruă mă pơkŏn ƀing hlăk ai, tơdăm dra mut phung Dak Lak ngă amăng bơyan pơdơi prong thun anai amra djru ƀing hlăk ai tơdăm dra mut phung găn rơgao tơlơi tơnap tap yua bơbeč djơ̆ mơ̆ng klin kheng, pơtrut pơđĭ kyar bruă mă, pơphun bruă mă ƀơi tơring čar.

Nay Jek: Pơblang