VOV4.Jarai-Lơ 6/6, Jơnum min mơnuih ƀôn sang să Čư̆ San, tơring glông Mdrak, tơring čar Dak Lak pơphun plĕ  glăi hră ruah khua pơ ala mơnuih ƀôn sang să, rơwang bruă thun 2021-2026 ƀơi 3 boh plơi thôn 9, thôn 10, thôn 11. Phun ñu hơmâo tơlơi anai, yua lơ 23/5/2021, ƀơi klâo boh plơi thôn 9,10,11 să Čư̆ San, mrô mơnuih nao plĕ hră ruah khua aka truh ha mơkrah ôh, pơkă hăng mrô čih anăn.

Dak Lak pơphun glăi glăi plĕ hră ruah ƀing pơ ala mơnuih ƀôn sang să, rơwang bruă thun 2021-2026

Bruă pơphun ruah khua ƀơi klâo boh plơi anai ƀu tơpă ôh, ƀu djơ̆ tơlơi phiăn. Jơnum min mơnuih ƀôn sang să Čư̆ San brơi nao ƀing ơi ia jrao, mơnuih mă bruă pơgang klin, pơčrâo brơi mơnuih ƀôn sang dŏ ataih djơ̆ hơdră laih anun rao tơngan hăng ia jrao pơhlôm pơgang klin, pơkă anŏ hlor amăng drơi jăn, truă bơnal gôm ƀô̆ kiăng ngă djơ̆ tơlơi pơtrun pơhlôm, pơgang klin.

Boh tơhnal, yap truh lơ 6/6, klâo boh plơi anai pơphun plĕ hră glăi, thôn 9 lĕ hơmâo 88%, ƀơi thôn 10, 74% hăng thôn 11 kơnong 22% đôč.

Nay Jek: Pơblang