VOV4.Jarai-Tui hăng Gơnong bruă Ngă hmua hăng Pơđĭ kyar plơi pla tơring čar Dak Lak, hơjan hlim sui hrơi hơdôm hrơi rơgao ngă ia ling dăo hơdôm anih laih anun răm ƀăm ƀơi lu plơi pla tơring glông Ea Sup, Ƀuôn Đôn, Ea Hleo. Ră anai, gong gai kơnuk kơna hrom hăng mơnuih ƀôn sang hlăk rŭ glăi boh tơhnal răm ƀăm yua ia ling dăo ngă kiăng tañ hơđong glăi tơlơi hơdip mơda kơ mơnuih ƀôn sang.

Hơjan hlim ia ling dăo pơ lu să amăng tơring glông Ea Sup

Ƀơi tơring glông giăm guai dêh čar Ea Sup hơmâo 390 boh sang ia lip, rơbêh 2000 hektar hmua pơdai, đang phun pla răm rai, lu jơlan glông nao pơ să ia dong abih ƀuh thâo truh nao rai pơ lu plơi pla. Hrom hăng bruă pơsir tơlơi răm ƀăm yua hơjan hlim ngă, hơdôm hrơi rơgao, lu plơi pla pok pơhai ngă tui hơdră pơtrun 4 mơta bruă sa bit.

Boh nik ñu, pơpha bruă mă djop ling tơhan djru hrơi mlam dŏ pơ kual hơmâo tơlơi truh pioh bong glăi tơlơi truh lŏn adai ngă, djru ană plơi pla kual ia ling dăo đuăi nao pơ anih kơdư rơnuk rơnua hloh amăng mông ječ ameč.

Nay Jek: Pơblang