VOV4.Jarai - Ƀơi anăp klin Covid-19 glăk kơtang, anom bruă pơtô hrăm tơring čar Dăk Lăk hơmâo hơdră ba nao 10 čô čơđai nao pơ Khánh Hoà pơplông abih anih 12 tal 2 thun 2021. Tui hăng hơdră bruă mơng Ding jum pơtô pơjuăt, tal pơplông abih anih 12 tal 2 thun 2021 amra pơphun amăng lơ 5 hăng 6/8. Dăk Lăk hơmâo 10 čô čơđai nao pơplông amăng tal 2 anai ( amăng anun sa čô lĕ F2, 9 čô lĕ dŏ ƀơi anih pơčlah ƀu dưi pơplông amăng tal 1). Tal 2 anai, ƀing čơđai mơng Dăk Lăk amra pơplông hrŏm ƀơi tơring čar Khánh Hoà. Gơnong bruă pơtô pơjuăt Dăk Lăk brơi thâo, tơdơi kơ  pơhiăp tom Gơnong bruă pơto pơjuăt tơring Khánh Hoà brơi čơđai nao pơplông, gơnong bruă hơmâo prăp lui rơdêh ba ƀing čơđai nao pơplông, hơmâo anih ƀong huă đih pơdơi kiăng tal pơplông anai rơnuk rơnua, biă ñu lĕ amăng mông glăk hơmâo klin wơ̆t ƀơi Dăk Lăk hăng Khánh Hoà mơtăm.

Siu H’Mai: Pơblang