VOV4.Jarai-Klăm lơ 19/11, Jơnum min djop djuai ania mơnuih mơnam Việt Nam tơring čar Dak Lak hơmâo tŭ mă 1 klai 500 klăk prăk mơ̆ng lu sang bruă, mơnuih ƀôn sang djru kơ bruă pơhlôm, pơgang klin Covid 19, amăng anun hơmâo 1 klai 200 klăk prăk, prăk mơta hăng 1000 anung gơnam ia jrao pơjrao mơnuih ruă djơ̆ kman Covid 19, rơnoh prăk 300 klăk.

Jơnum min djop djuai ania mơnuih mơnam Việt Nam tơring čar Dak Lak brơi thâo, ră anai tơlơi pơhing klin Covid 19 ƀơi tơring čar hlăk ƀă hyu tơnap biă mă, mrô mơnuih ƀă jai hrơi lu, truh kơ 6.600 čô laih, amăng anun 2.500 čô mơnuih duăm hlăk dŏ pơjrao.

Hăng gơnam tam hơmâo, lu khul mơnuih djru mă bruă mơ̆ng lu sang bruă, mơnuih ƀôn sang gum hrom, khua anom bruă wai lăng djop djuai ania mơnuih mơnam tơring čar amra pơpha rơnoh prăk mă yua hăng gum hrom Gơnong bruă ia jrao tơring čar pơpha kơ djop sang bruă gah ia jrao, anih pơjrao mơnuih duăm ruă djơ̆ Covid 19 kiăng hmao ba nao gơnam djru hăng pơjrao kơ mơnuih ƀôn sang duăm ruă djơ̆ klin Covid 19 amăng tơring čar.

Nay Jek: Pơblang