VOV4.Jarai-Ƀơi plơi prong Ƀuôn Ma Thuôt, Gơnong bruă ia jrao tơring čar Dak Lak hơmâo tŭ mă 5 boh rơdêh hyu djru bruă tlâ̆o pơgang vaccine truh pơ plơi pla, yua kông ty pơčruh ngăn rơdêh ôtô Thaco Trường Hải djru, kiăng bơwih brơi kơ bruă hyu pơhlôm pơgang klin Covid 19 hlăk ƀă kơtang ƀơi anai. Rơdêh arăng pơkra hăng dưm dăp gơnam yua pơhlôm pơgang klin tŭ yua biă mă, djru nao rai truh pơ kual tơnap tap, laih dơ̆ng mă yua măi hăng  bruă hyu mă ia khak pioh pơčrang kman Cơvid 19.

Ơi ia jrao Nay Phi La Khua Gơnong bruă ia jrao Dak Lak tŭ mă hơdôm boh rơdêh arăng djru

Amăng rơdêh anun arăng hơmâo dưm kơthung răk lui ia jrao vaccine klă hăng hơmâo măi ĕp lăng hnong dưi pơgang pioh vaccine. Gơnong bruă ia jrao tơring čar Dak Lak brơi thâo, amăng mrô 1 klăk 362 rơbâo 176 čô mơnuih rơbêh 18 thun, tơring čar Dak Lak phrâo tlâ̆o vaccine Covid 19 djop 1 arăt, dưm dưm hăng 64% laih anun arăt tal dua djop rơbêh 9%. Kiăng dưi pơgăn klin kheng tơnap tap ră anai, Dak Lak  kiăng pơtrut bruă tlâ̆o djop ia jrao vaccine pơgang.

Yua kơ anun kiăng biă mă, hơmâo tơlơi djru ba 5 boh rơdêh pơgiăng hyu tlâ̆o vaccine djru tơring čar anai, dưi nao truh pơ kual ataih tañ hloh, hơdôm anih tơnap tap ataih mơ̆ng sang ia jrao.

Nay Jek: Pơblang