VOV4.Jarai - Khua Jơnum min mơnuih ƀon sang tơring čar Dak Nông, Khul git gai pơgang klin kman ƀơi ană mơnuih tơring čar Dak Nông hơmâo kĭ hră pơtrun pơčlah mơnuih mơnam amăng đơ đam tơring glông Dak Mil, ngă tui tơlơi črâo trun mrô 16 tơdơi kơ ƀuh mơnuih ƀă klin Covid-19 yua kơ lar hyu amăng mơnuih mơnam. Hrơi mông ngă tui hơdră pơčlah mơnuih mơnam dong mơng 10 mông mơmŏt lơ 14/9 truh hrơi hơmâo tơlơi lăi pơthâo phrâo kiăng kơ pơgang hĭ klin.

Tui hră lăi pơthâo mơng Khul git gai tơring glông Dak Mil, lơ 13/9, Anom bruă ia jrao tơring glông brơi thâo sa boh sang anŏ dŏ ƀơi ƀut plơi 2, tơring kual Dak Mil mưn duam, drơi jăn ƀu-ai. Lơ̆m mă adung pơčrang lăng hăng RT-PCR, 4 čô mơnuih amăng sang anŏ lêng kơ ƀă virus Sars-Cov2. Tui hăng pel ĕp, sang anŏ anai sĭ boh troh, giăm 10 hrơi hlâo anun ñu bưp mơnuih mơgăt rơdêh pơgiăng boh troh mơng ƀôn prong Hồ Chí Minh. Tơdơi kơ ƀuh mơnuih ƀă klin lar hyu amăng mơnuih mơnam, tơring glông Dak Mil pơsit guang dar 4 kual hơmâo mơnuih ƀă klin, laih dong ba nao pơčlah hăng pơjrao brơi ƀơi sang ia jrao tơring glông laih dong ba 164 čô mơnuih F1 nao pơčlah pơƀut.

Siu Đoan: Pơblang