VOV4.Jarai-Gơnong bruă ia jrao tơring čar Dak Nông pôr tơlơi pơhing, Ding jum ia jrao hơmâo ngă hră pơtrun kơ bruă pơpha ia jrao vaccine Covid 19 tal 3; amăng anun tơring čar Dak Nông pơpha nao 12 rơbâo liêu.

Dak Nông hơmâo tlâ̆o pơgang rơbêh 10 rơbâo liêu vaccine Covid 19

Ding jum ia jrao pơtrun hiăp kơ djop tơring čar, prăp lui bruă tlâ̆o ia jrao pơgang vaccine tal 3 pơhlôm Covid 19, ĕp glăi abih bang anih pok pơhai tlâ̆o pơgang, amăng anun pok pơhư anih hăng mơnuih brơi tlâ̆o pơgang, hơdră tlâ̆o pơgang rơnuk rơnua, tlâ̆o pơgang brơi djop, lu mơnuih hloh.

Hlâo kơ anun, Dak Nông hơmâo ngă giong laih tlâ̆o vaccine pơgang Covid 19 brơi kơ rơbêh 10 rơbâo čô mơnuih hơdôm khul brơi tlâ̆o pơgang hlâo ƀơi 8 boh tơring glông, plơi prong, dưi ngă giong tơhnal pơkă 102% pơkă hăng akŏ bruă.

Nay Jek: Pơblang