VOV4.Jarai-Lơ 14/6, Khul git gai, bruă pơhlôm pơgang klin duăm ruă ƀơi mơnuih tơring čar Dak Nông rơkâo, Anom bruă ping gah, jơnum min mơnuih ƀôn sang tơring čar Dak Nông phru hĭ ƀiă, hơdră guang dar yua pơhlôm, pơgang klin Covid 19 kiăng pok pơhai ngă tui dua hơdră pơđĭ kyar pơgang klin rah hăng pơtrut bơwih ƀong huă mơnuih mơnam.

Tui hăng anun, tơring čar Dak Nông amra sem lăng pok glăi bruă rơdêh nao rai pơgiăng tuai amăng tơring čar hăng nao pơ tơring čar pơkŏn aka ƀu hơmâo mơnuih ƀă klin hăng hơdôm tơring čar rơgao 14 hrơi aka ƀu ƀuh hơmâo glăi klin phrâo.

Hơdôm anih sĭ mơdrô, bơwih ƀong huă, ƀong mơñum, ngui ngor brơi pok glăi samơ̆ khom ngă tui hơdră pơgang tong ten, pơhlôm klin kah hăng tơlơi pơdŏ rơkơi bơnai, djai brŭ pơphun man ƀrô ƀu pơtum rơgao 30 čô mơnuih ôh.

Samơ̆, tơring čar Dak Nông pơtrun hiăp kơ djop tơring glông ăt prăp lui djop mơta gơnam yua, hơdră pơhlôm pơgang bong glăi hăng klin kheng hŭi hơmâo klin hơđuh glăi, laih dơ̆ng rơkâo mơnuih ƀôn sang ăt khom ngă tui djơ̆ tơlơi pơtrun 5 mơta hơdră pơhlôm pơgang klin mơ̆ng Ding jum ia jrao pơtrun.

Nay Jek: Pơblang