VOV4.Jarai - Jơnum min mơnuih ƀon sang plơi prong Gia Nghiã (Dak Nông) brơi thâo, anom bruă bơdjơ̆ nao phrâo ƀuh 10 čô mơnuih hơmâo 2 čô mơnuih mơgăt rơdêh tui glông huă ƀă klin pơgiăng tuai mơng kual hơmâo klin glăi pơ plơi prong Gia Nghiã mơ̆ ƀu phaih gah ia jrao amăng mlăm lơ 1/8. 10 čô mơnuih anai lĕ mơnuih djuai ania ƀă  mơng 18 -24 thun, dŏ hơdip ƀơi tơring glông Lăk, Daklak lơ̆m ƀing gơñu glăk rơbat tơkai glăi mơng Bình Dương. Amăng mlăm anun mơtăm, 2 čô mơnuih mơgăt rơdêh hăng 10 čô mơnuih ƀing gơñu pơgiăng glăi arăng nao pơčlah pơƀut amăng plơi prong Gia Nghiã laih anun mă ia adung pơčrang lăng hŭi kơ ƀă virus Sars-Cov2. Laih dong, Khul git gai pơgang klin amăng plơi prong Gia Nghĩa rơkâo pơsir kơđi hăng 2 čô mơnuih mơgăt rơdêh lĕ rơdêh BKS 48C-045.83 tui tơlơi pơkă, tơdah ngă klin lar hyu amra pơsir djơ̆ hăng tơlơi phiăn. Hăng 10 čô mơnuih mă bruă glăi pơ Daklak, plơi prong Gia Nghiã amra gum hrŏm hăng gong gai ƀon lan ƀơi anih ƀing gơñu dŏ hơdip pơsir tui tơlơi pơkă amăng pơgang klin Covid-19.

Siu Đoan: Pơblang