VOV4.Jarai - Lơ 9/8, tơring čar Dak Nông hơmâo dong 7 čô mơnuih ƀă virus Sars-Cov2. Amăng anun hơmâo 2 čô čơđai đah rơkơi 1 thun lĕ F1. Dua čô čơđai anai anăn N.T.T (thun tơkeng 2020) hăng H.K.D (thun tơkeng 2020) dŏ ƀơi tơring glông Dak Glong, Dak Nông lêng mơnuih F1 hăng mơnuih ƀă klin mrô 165.470 lĕ amai H.C.N (thun tơkeng 1962). Amai H.C.N lĕ mơnuih čoh sum ao glăi mơng ƀôn prong Hồ Chí Minh. Lơ 3/8, dua čô čơđai đah rơkơi anai arăng ba nao pơ anih pơčlah pơƀut, gơnong bruă ia jrao mă ia adung pơčrang lăng. Truh lơ 9/8, 2 čô čơđai lêng kơ pơčrang lăng hăng RT-PCR hăng ƀă klin Covid-19. Truh tlam lơ 9/8, tơring čar Dak Nông hơmâo 155 čô mơnuih ƀă klin Covid-19. Amăng anun hơmâo 12 čô mơnuih pơjrao suaih dưi glăi pơ sang.

Siu Đoan: Pơblang