VOV4.Jarai - Tlam (14/7), ƀơi Anom bruă kông ang tơring čar Dak Nông, Ding jum kông ang pơphun mông jao tơlơi pơsit mơng Ding jum kông ang kơ bruă ruah mơnuih apăn bruă. Amăng mông jơnum, Trung tướng Trần Quốc Tỏ, Kơ-iăng khua Ding jum kông ang hơmâo jao tơlơi pơsit mơng Khua ding jum kông ang kơ bruă ruah Đại tá Bùi Quang Thanh, Kơ-iăng khua kông ang tơring čar Quảng Bình đĭ ngă khua kông ang tơring čar Dak Nông.

Đĭ pơhiăp amăng mông jơnum, Trung tướng Trần Quốc Tỏ đăo gơnang lơ̆m đĭ ngă khua kông ang pơ tơring čar pơkŏn, Khua kông ang tơring čar Dak Nông ơi Bùi Quang Thanh amra tañ thâo bruă kiăng kơ hmao tlôn hrŏm hăng Ping gah, Khua mua kông ang tơring čar git gai tơhan kông ang Dak Nông pơphun bruă jao, hơđong bruă mă, djru amăng pơđĭ kyar bơwih ƀong huă, mơnuih mơnam amăng tơring čar Dak Nông.

Siu Đoan: Pơblang