VOV4.Jarai - Anom bruă bơdjơ̆ nao amăng tơring čar Dak Nông hơmâo pơphun guang dar sa boh sang hră  hăng lu anih bơdjơ̆ nao amăng tơring glông Dak R’Lấp, tơdơi kơ ƀuh sa čô čơđai hrăm hră ƀă virus Sars-Cov2. Laih dong, gơnong bruă ia jrao ječ ameč hyu pơčrang lăng tañ kiăng kơ pơčlah hĭ ƀing F0 amăng mơnuih mơnam. Tui hră lăi pơthâo mơng Khul git gai pơgang klin tơring čar Dak Nông, tơdơi kơ ƀuh sa čô čơđai hrăm hră ƀă klin ƀơi sang hră kơnuk kơna čem rông ba tơring glông Dak R’Lấp, ƀơi ƀon Bù Bir, să Quảng Tín, tơring glông Dak R’Lấp ƀă virus Sars-Cov2, anom bruă bơdjơ̆ nao hơmâo ječ ameč guang dar, kiăo tui ĕp, mă ia adung pơčrang lăng. Ră anai gơnong bruă ia jrao hơmâo kiăo tui ĕ rơbêh 150 čô mơnuih F1, rơbêh 100 čô F2 hăng ră anai hơmâo 15 čô pơčrang glăng hăng RT-PCR ƀă virus Sars-Cov2. Jơnum min mơnuih ƀon sang tơring glông Dak R’Lấp pơsit ngă tui tơlơi črâo trun mrô 16 amăng đơ đam să Quảng Tín.

Siu Đoan: Pơblang