VOV4.Jarai - Kông ti apui lơtrik Dak Nông ră anai glăk wai lăng 7 trạm biến áp 110KV, rơbêh 4000 km hrĕ apui lơtrik đuăi gap ƀrô, hăng rơnang. Mơng akŏ thun truh ră anai, đơ đam tơring čar hơmâo 4 tơlơi truh sat amăng glông hrĕ apui lơtrik cao áp yua mơnuih ƀon sang drôm phun kyâo buh ngă tơĭ hrĕ.

Mơnuih mă bruă hyu pơkra ming pơhlôm rơnuk rơnua amăng bơyan hơjan hlim

Kiăng kơ pơhlôm rơnuk rơnua amăng bơyan hơjan hlim, hrŏm hăng bruă pơkra ming gong apui lơtrik, PC Dak Nông juăt hyu pel ĕp phun kyâo giăm hrĕ apui lơtrik, laih dong kơtưn hyu pơtô pơblang kiăng kơ mơnuih ƀon sang anăm ngă soh ôh. Ơi Lê Huy Thiệp, Kơ-iăng khua kông ti apui lơtrik Dak Nông brơi thâo:

Koh than kyâo hŭi kơ joh ngă tơ̆I hrĕ apui lơtrik

“Truh ră anai kông ti hơmâo trơ̆I hĭ abih than kyâo rah nao hrĕ apui lơtrik kiăng kơ huăi ngă tơ̆I hrĕ tơdah joh. Sit biă ñu hơdôm anih mơnuih ƀon sang pla phun kyâo giăm ring bruă apui lơtrik, kông ti hơmâo gum hrŏm hăng gong gai ƀon lan wai lăng kjăp kơ bruă pơsir hĭ bruă anai, pơhlôm rơnuk rơnua lơ̆m yua apui lơtrik”.

Siu Đoan: Pơblang