VOV4.Jarai - Tom brơi (30/6), Jơnum min pơ ala mơnuih ƀon sang tơring čar Dak Nông tal IV) rơwang thun 2021-2026) pơphun jơnum tal blung a kiăng kơ ruah mơnuih apăn bruă amăng Jơnum min pơ ala mơnuih ƀon sang tơring čar. Amăng mông jơnum, Jơnum min plĕ hră tơring čar Dak Nông lăi pơthâo kơ mrô hră plĕ hăng tŭ yap 52 čô khua mua ruah amăng Jơnum min pơ ala mơnuih ƀon sang tơring čar tal IV, rơwang thun 2021-2026. Ƀing mơnuih apăn bruă hơmâo plĕ hră ruah Khua, kơ-iăng khua jơnum min pơ ala mơnuih ƀon sang tơring čar hăng Khua, kơ-iăng khua Jơnum min mơnuih ƀon sang tơring čar.

Tui mrô hră plĕ: ơi Lưu Văn Trung, Kơ-iăng khua apăn bruă Ping gah tơring čar, amra ruah đĭ ngă khua jơnum min pơ ala mơnuih ƀon sang tơring čar tal IV, rơwang thun 2021-2026. Ơi Y Quang Bkrông hăng yă Mai Thị Xuân Trung, amra ruah ngă Kơ-iăng khua jơnum min pơ ala mơnuih ƀon sang tơring čar. Bơ khua Jơnum min mơnuih ƀon sang tơring čar, ơi Hồ Văn Mười, Kơ-iăng khua git gai Ping gah tơring čar, Khua Anom bruă kông ang tơring čar amra ngă Khua Jơnum min mơnuih ƀon sang tơring čar . Ơi Lê Trọng Yên, yă Tôn Thị Ngọc Hạnh amra tŏ tui ngă khua kơ-iăng Khua Jơnum min mơnuih ƀon sang tơring čar. Kơ-iăng khua Jơnum min mơnuih ƀon sang tơring čar phrâo lĕ ơi Lê Văn Chiến (ñu lĕ khua anom bruă Ping gah tơring čar hơđăp).

Siu Đoan: Pơblang