VOV4.Jarai - Khut khăt đing nao git gai, pơsir hĭ tơnap tap, kơnong amăng rơbêh 1 blan, tơring čar Dak Nông hơmâo ječ ameč jao prăk čan tuh pơ alin bruă čar, dưm dưm 70%, lu hloh tui hăng mrô bơkơnar amăng đơ đam dêh čar. Truh blan 10, tơring čar Dak Nông hơmâo jao prăk čan tuh pơ alin bruă čar lĕ 1.500 klai prăk, dưm dưm giăm 70% rơnoh prăk jao amăng thun 2021. Sit biă ñu hlâo anun rơbêh ha blan, lơ 25/8, tơring čar jao aka ƀu truh 40%.

Bruă tañ amăng man pơkra, jao prăk brơi hơdôm ring bruă tuh pơ alin mơng ngăn drăp Kơnuk kơna lĕ yua kơ hơmâo tơlơi git gai khut khăt mơng Khua mua ƀon lan, Jơnum min mơnuih ƀon sang tơring čar Dak Nông brơi thâo ră anai, tơring čar glăk tŏ tui pel ĕp, mă prăk tu pơ alin mơng ring bruă anet hơdai nao tuh pơ alin hơdôm ring bruă glăk kiăng; kiăo tui lăng, pơsir hĭ tơnap tap, pơtrut pơsur tuh pơ alin, djop ƀon lan hluai tui ayuh hyiăng glăk gal hơdôm blan rơnuč thun kiăng pơtrut tañ bruă man pơkra.

Siu Đoan: Pơblang