VOV4.Jarai - Tlam lơ 7/7, ƀing čơđai ƀơi Daklak mut nao pơplông tơlơi hrăm Toán - anai lĕ tơlơi hrăm tal 2 amăng tal pơplông abih anih 12 thun 2021 hăng mông pơkă lĕ 90 mơnit pơplông tui hơdră trắc nghiệm. Pơđut mông pơplông ƀing čơđai lêng kơ brơi thâo anai lĕ tơlơi pơplông huăi tơnap đơi ôh. Amăng mông pơplông tơlơi hrăm Toán  thun anai, mrô čơđai ƀơi tơring čar Daklak nao pơplông rơbêh 99,5%.

 Hăng pran prap lui klă, lu čơđai hơđong pran jua  mut nao pơplông hăng lơ̆m pơplông giong hlơi hlơi lêng kơ hok mơ-ak yua kơ pơplông Toán thun anai huăi tơnap đơi ôh, tơlơi pơplông giăm djơ̆ hăng hơdôm tơlơi pơplông lông lăng hlâo anun mơng Ding jum pơtô pơjuăt. Tui tơlơi pơphing mơng Khul git gai tal pơplông abih anih 12 thun 2021 tơring čar Daklak mơng djop khul pơplông amăng tơring čar, mông pơplông Toán yang hrơi tlam hăng Ngữ Văn amăng mơguah lêng pơphun hơđong, djơ̆ hăng tơlơi pơkă.

Siu Đoan: Pơblang