VOV4.Jarai - Ƀơi anăp kơ tơlơi tơnap tap mơng klin Covid-19, Jơnum min mơnuih ƀon sang tơring čar Daklak phrâo hơmâo hră pơtrun pơdơi abih bruă pơtô hrăm hăng hrơi ngui ngor tum pơƀut lu mơnuih amăng bơyan pơdơi prong pioh pơgang klin Covid-19. Tui anun, mơng lơ 10/7/2021, Daklak amra pơdơi jang jai bruă pơtô hrăm hăng hrơi ngui ngor tum pơƀut amăng bơyan pơdơi prong ƀơi hơdôm sang hră, anih pơtô bruă mă amăng tơring čar truh hrơi hơmâo tơlơi lăi pơthâo phrâo.

Hră pơtrun hơmâo ba tơbiă lơ̆m tơring čar Daklak hơmâo laih 7 čô mơnuih ƀă klin kah hăng klin glăk lar hyu kơtang ƀơi hơdôm tơring čar jum dar anun lĕ Phú Yên, Lâm Đồng, Khánh Hoà …. Bruă brơi pơdơi jang jai bruă pơtô hrăm hăng hrơi ngui ngor tum pơƀut lu mơnuih lĕ hơdră bruă kiăng pơhlôm brơi tơlơi suaih pral kơ ƀing nai pơtô hăng čơđai hrăm hră ƀơi hơdôm sang hră amăng tơring čar.

Siu Đoan: Pơblang