VOV4.Jarai - Lơ 26/8, gơnong bruă pơtô hrăm Daklak pơtrun hră pơ-ar kơ bruă ngă tui akŏ bruă thun 2021-2022. Tui anun, gơnong bruă pơtô hrăm tơring čar amra ƀu čơkă ƀing čơđai glăi hrăm hră amăng lơ 1/9 pơ anăp anai. Khua gơnong bruă pơtô hrăm Daklak rơkâo, mơng lơ 1/9 truh hrơi pơphun mut sang hră, Khua mua djop sang hră gơgrong prap lui djop mơta kơ bruă pơphun ngă lơphet mut hrăm thun phrâo; lăi pơthâo kiăng ƀing čơđai hăng amĭ ama thâo akŏ bruă pơtô hrăm mơng sang hră, črâo ba ƀing čơđai hrăm lăng nao rai mơng ataih. Kơ bruă pơphun ngă lơphet mut hrăm hră thun 2021-2022 amăng lơ 5/9/2021, hră pơtrun čih rơđah: pơphun ngă lơphet mut sang hră amra lăng nao rai mơng ataih hăng hơdôm sang hră hơmâo djop gơnam măi mok. Tơdơi kơ mông pơphun mut sang hră, djop sang hră pơphun pơtô hrăm lăng nao rai mơng ataih ƀudah pơtô hrăm tui tơlơi gal sit nik brơi lăp djơ̆ amăng pơgang klin Covid-19 laih dong djơ̆ hăng tơlơi dưi mơng djop sang hră, samơ̆ ƀu brơi pơtô hrăm lăng nao rai mơng ataih hăng ƀing čơđai anet.

Siu Đoan: Pơblang