VOV4.Jarai -  Khă Jơnum min mơnuih ƀôn sang tơring čar Daklak hmâo pơsit hrơi hrăm hră truh lơ 15/9 samơ̆ ră anai Daklak ăt bưp tơnap mơn bruă blơi hơdrôm hră hrăm kơ čơđai sang hră. Bôh than ba truh lĕ yua kơ hơdrôm hră ƀu djơ̆ gah anăn gơnam tam kiăng yua hloh anun mơng lơ 26/8 truh ră anai, hơdôm anih sĭ hơdrôm hră ƀơi tơring car glăk mă yua tơlơi črâo ba 16 khom krư̆ bah amăng hơdai nao hơdră sĭ mơng ataih. Tui hăng ơi Trương Văn Băng, Khua Sang bruă sĭ mơdrô hơdrôm hră gơnam mă yua gah hrăm hră Daklak, hơdôm thun hlâo adih sang bruă sĭ hơdrôm hră, hră čih, gơnam mă yua hrăm hră tui 7 bôh sang sĭ hơdrôm hră hăng rơbêh kơ 400 bôh anom amăng đơ đam tơring čar. Thun anai yua kơ klin Covid-19 ngă tơnap anun bruă sĭ mơdrô hră, dŭ pơgiăng ba hơdrôm hră truh hăng čơđai sang hră ăt bưp tơnap mơn. Mơng lơ 5/9, sang bruă ngă tui sĭ hơdrôm hră tui online mă hră rơkâo blơi mơnuih blơi tui Zalo, Facebook. Yua kơ thun blung a pok pơhai sĭ tui online anun sang hră ăt bưp tơnap ƀu ƀiă mơn kơ hơdrôm hră pioh sĭ kơ arăng. Klin Covid-19 ƀơi Daklak pơkă lăng hlâo ăt dô̆ ngă glêh tơnap mơn pơ̆ anăp anai. Yua anun tơdah Jơnum min mơnuih ƀôn sang tơring čar ƀu hmâo jơlan gah pơtlaih hmao tlôn thơ tơlơi čơđai kơƀah hơdrôm hră hrăm amăng thun hrăm phrâo ăt dô̆ mơn./.  

Siu H’ Prăk: Pô pơblang