VOV4.Jarai -  Tơlơi pơhing mơng Gơnong bruă ia jrao tơring čar Daklak, amăng sa hrơi mlăm (yap mơng 4 mông čơtlăm lơ 12/10 truh kơ 4 čơtlăm mông lơ 22/10), tơring čar čih hmâo 174 čô mơnuih ƀă Sars-CoV-2 ƀơi tơring čar. Rơđah biă ñu, ƀơi plơi prong Buôn Hồ čih hmâo 64 čô, tơring glông Čư̆ Kuiñ 29 čô, tơring glông Krông Ƀuk 25 čô, tơring glông Krông Ana 13 čô, tơring glông Čư̆ Mgar 12 čô, plơi prong Buôn Ma Thuột 11 čô. Tơlơi lăp pơngot lĕ, amăng 174 čô mơnuih phrâo ƀă, hmâo 82 čô mơnuih ƀă amăng plơi pla. Hơdôm tơring glông, plơi prong: Kah hăng Buôn Hồ, Krông Ƀuk, Čư̆ Kuiñ, Buôn Ma Thuột... na nao thâo krăn hmâo hơdôm anih klin ngă amăng hơdôm kual mơnuih ƀôn sang dô̆. Ƀơi anăp tơlơi hmâo na nao mơnuih ƀă klin anai, gơnong bruă ia jrao tơring čar Daklak glăk gum hrom klă hăng gong gai hơdôm anih anom pok pơhai hyu huĕt ĕp, mă ia adung pơčrang lăng kơ hơdôm rơbâo čô mơnuih bơdjơ̆ nao hơdôm mơnuih djơ̆ klin F0, bĕ lar tưp hyu. Hrom hăng anun pok pơhai bruă djru gum kiăng pơhlôm tơlơi hơdip kơ mơnuih ƀơi kual dô̆ čơlah, kual mơnuih ƀôn sang dô̆ hmâo guang dar...

Siu H’ Prăk: Pô pơblang