VOV4.Jarai - Daklak dŏ kaih kiăng pơplih mơng Zero Covid hơdai nao hơdip hrŏm hăng klin kheng, anun lĕ tơlơi lăi pơthâo mơng nai prin tha Cao Hưng Thái, Kơ-iăng Khua anom bruă wai lăng khăm pơjrao tơlơi ruă kă, Khua grup hyu mă bruă mơng Ding jum ia jrao amăng mông mă bruă hăng Jơnum min mơnuih ƀon sang tơring čar Daklak.

Kơ bruă tlâ̆o vaccine, tơring čar hơmâo 13 wŏt tŭ mă vaccine mơng Ding jum ia jrao hăng mrô giăm 1 klăk 700 rơbâo liều; truh ră anai hơmâo tlâ̆o brơi giăm 1 klăk 500 rơbâo liều, amăng anun tlâ̆o ară tal 1 giăm 90,9% mrô mơnuih mơng 18 thun  pơ glông, ară tal 2 giăm 21,1%. Đĭ pơhiăp amăng mông mă bruă, nai prin tha Cao Hưng Thái, Kơ-iăng Khua anom bruă wai lăng khăm pơjrao tơlơi ruă kă, git gai Daklak kiăng kơ pok pơhai lu hơdră bruă lăp djơ̆ hăng klin Covid-19 ră anai; jak iâu hơdôm anom bruă khăm pơjrao pơdong mă hơjăn djru pơgang klin; tañ pok pơhai bruă wai lăng, pơjrao brơi mơnuih F0 pơ sang, akŏ pơdong hơdôm anih khăm pơjrao đuăi hyu djop anih, pơdong anih pơsuaih brơi ƀing ruă akă; klă dong amăng bruă pơčrang lăng hăng RT-PCR. Laih dong pơtrut pơtô pơblang brơi mơnuih ƀon sang ngă tui tơlơi pơkă 5K…

Siu Đoan: Pơblang