VOV4.Jarai -  Tô̆ tui gum pơhiăp kơ hơdôm bôh yôm amăng tal jơnum lok 2, Khua pơ ala mơnuih ƀôn sang dêh čar ta tal 15, amăng lơ 22/10, tơdơi kơ hmư̆ hră lăi pơthâo kơ tơlơi čih pơkra Tơlơi pơtrun pơsit sa dua hơdră pơkă, hơdră bruă gum djru pha ra pơđĭ kyar mơng hơdôm bôh tơring čar, ƀôn prong: Hải Phòng, Nghệ An, Thanh Hóa hăng Thừa Thiên Huế hăng Lăi pơthâo glăi bruă pel ĕp kơ hră čih Tơlơi pơtrun pơsit kơ sa dua hơdră pơkă, hơdră bruă gum djru pha ra pơđĭ kyar mơng hơdôm bôh tơring čar, ƀôn prong anai, Grŭp khua pơ ala mơnuih ƀôn sang tơring čar Daklak hmâo bơkơtuai, tŭ ư hrom hăng pơlir hơbit prong bôh yôm hơdôm hră pơ-ar lăi pơthâo, lăi glăi.

Grŭp khua pơ ala mơnuih ƀôn sang dêh čar tơring čar Daklak bơkơtuai hơdôm bôh yôm bơdjơ̆ nao tơlơi pơtrun pơsit hơdră pơkă pha ra kơ hơdôm anih anom

Hrom hăng anun gum pơhiăp kơ bôh yôm anai. Grŭp khua pơ ala mơnuih ƀôn sang tơring čar Daklak lăi lĕ, bôh yôm lăi pơthâo mơng Kơnuk kơna pơhlôm tơlơi kiăng hloh. Hơdôm hră pơ-ar hmâo kơjăp laih. Tơdah Tơlơi pơtrun pơsit dưi pel ĕp amra ngă gal brơi kơ hơdôm anih anom pơđĭ kyar gơgrong hlâo hăng ngă tui tơhnal gal mơng pô. Khă hnun hai, lom pel ĕp hơdôm tơlơi pơtrun pơsit, kiăng đing nao truh bruă tŭ yua ngă tui./.

Siu H’ Prăk: Pô pơblang