VOV4.Jarai -  Ngă tui tơlơi črâo ba mơng Kơnuk kơna kơ bruă mă yua pha brơi braih mơng braih djă pioh gah dêh čar ta djru kơ mơnuih ƀôn sang bơbeč mơng klin Covid-19 thun 2021, mơng lơ 23 truh kơ 29/8, Anom djă pioh mơng Kơnuk kơna kual Dơnung Dăp Kơdư pok pơhai pha rơbêh kơ 1.100 tơn braih brơi rơbêh kơ 73 rơbâo čô mơnuih ƀôn sang ƀơi dua bôh tơring čar Daklak hăng Daknông.

Pha brơi giăm truh 1.200 tơn braih mơng braih mă pioh gah dêh čar ta djru giăm truh 73 rơbâo čô mơnuih ƀôn sang bơbeč mơng klin Covid-19 ƀơi Daklak hăng Daknông

Kiăo tui anun, mơnuih dưi čơkă mă braih lĕ hơdôm sang anô̆ ƀun rin, ƀun rin ƀơ ƀiă, sang anô̆ gah hơdră bruă, mơnuih djru ngă hơkrŭ đưm; mơnuih mă bruă hơdư̆ pô kiăng rơngiă bruă mă yua bơbeč mơng klin Covid-19... ƀơi 11 bôh tơring glông gah tơring čar Daklak hăng 8 bôh tơring glông, plơi prong gah tơring čar Daknông. Rim mơnuih dưi čơkă mă 15 kg braih. Bruă pha brơi dưi ngă tui ƀơi anom mă bruă Jơnum min mơnuih ƀôn sang hơdôm bôh să, phường, tơring kual./.

Siu H’ Prăk: Pô pơblang