VOV4.Jarai - Tui hăng Grŭp črâo bruă pơgang, pơgăn klin Covid-19 tơring čar Daklak, amăng lơ 9/8, đơ đam tơring čar hmâo dong 19 čô mơnuih ƀă kơman Sars-CoV-2. Amăng mrô 19 čô anai, hmâo 11 čô ƀă mơng mơnuih jê̆ giăm hăng 8 čô ƀă ƀơi anih dô̆ čơlah guang dar.

Mă ia khak pơčrang lăng Covid-19 ƀơi să Vụ Bổn   

Mrô 11 čô mơnuih ƀă kơman, hmâo 6 čô F1 mơng anih klin ngă phrâo thâo pơ̆ să Ea Riêng, tơring glông Mdrah amăng lơ 8/8; 3 čô mơnuih phrâo ƀă akă rơđah ƀơi thôn 6, să Vụ Ƀổn, tơring glông Krông Pač. Rơngiao kơ 3 čô mơnuih ruă anai, tui hăng Khua Jơnum min mơnuih ƀôn sang să Vụ Bổn, dô̆ hmâo 17 čô mơnuih test tañ ƀuh kơman klin, glăk dô̆ tơguang pơsit mơng Anom wai lăng tơlơi duam ruă tơring čar Daklak. Tui anun, yap truh 5 mông čơtlăm, lơ 9/8, tơring čar Daklak hmâo čih pioh 410 čô mơnuih ƀă kơman Sars-CoV-2. Amăng anun glăk dô̆ pơjrao 393 čô mơnuih, 16 čô mơnuih suaih ruă hăng 1 čô mơnuih djai./.

Siu H’ Prăk: Pô pơblang