VOV4.Jarai - Tơlơi pơhing mơng grŭp črâo ba bruă pơgang, pơgăn klin Covid-19 tơring čar Daklak, mơguah lơ 19/7, Daklak čih hmâo 2 čô mơnuih dong ƀă kơman Sars-CoV-2 ƀơi tơring glông Ea Hleo.

Test tañ hơdôm mơnuih F1 bơdjơ̆ nao 2 čô mơnuih phrâo thâo ƀă kơman klin

Dua čô mơnuih anai lĕ Q.C.T hăng L.T.H, dô̆ hrom ƀơi thôn 2B, să Ea Hleo, tơring glông Ea Hleo. Wot dua gơñu lĕ mơnuih mơng sa bôh sang anô̆, hăng phrâo pơwot glăi mơng ƀôn prong Hồ Chí Minh. Tui hăng tơlơi pel ĕp klin ruă, tơdơi kơ test tañ Sars-CoV-2 ƀơi Sang ia jrao Thủ Đức ƀôn prong Hồ Chí Minh hmâo bôh tơhnal ƀu ƀuh kơman ôh, wot dua gơñu đĭ rơdêh thut mơng ƀôn prong Hồ Chí Minh glăi pơ̆ Daklak. Lom truh pơ̆ plơi, 2 gơñu dưi pơčrang lăng test hăng brơi ƀuh kơman Sars-CoV-2. Bôh tơhnal pơčrang lăng ƀơi Anom kơsem min klin ruă Tây Nguyên ăt pơsit mơn 2 cô mơnuih anai leng kơ ƀă kơman Sars-CoV-2 sôh./.

Siu H’ Prăk: Pô pơblang