VOV4.Jarai - Lơ 22/11, ƀơi Gru grua lŏn ia Sang mơnă Buôn Ma Thuột, Ping gah tơring čar, Khul pơ ala mơnuih ƀôn sang, Jơnum min mơnuih ƀôn sang, Jơnum min djop djuai ania mơnuih mơnam dêh čar Việt Nam tơring čar Daklak hmâo pơphun tuĭ ñang hơdor glăi 81 thun Hrơi pơdŏng Ping gah tơring čar Daklak (23-11-1940 – 23-11-2021).

 Amăng mông ngă lơphet hơdor glăi, ƀing khua pơ ala hmâo gum hrom lok glăi črăn jơlan gru grua ư-ang mơng Ping gah tơring čar Daklak amăng 81 thun pơdŏng, pơjing, pơđĭ kyar hăng truh kih. Mơng rơnuč thun 1940, Khul Ping gah Cộng sản blung a ƀơi Daklak dưi pơdŏng ƀơi Sang mơnă Buôn Ma Thuột, truh ră anai Ping gah Daklak hmâo 20 khul grŭp, rơbêh kơ 700 grŭp ping gah, hăng rơbêh kơ 83 rơbâo čô mơnuih ping gah. Amăng mông tuĭ ñang hơdor glăi 81 thun Hrơi pơdŏng Grŭp Ping gah blung a ƀơi Daklak, khua pơ ala kơ Ping gah hăng mơnuih ƀôn sang djop djuai ania amăng tơring čar pơdah pran jua pơsit ngă tui gru grua phiăn juăt ư-ang, pơplih phrâo kơtang dong tơlơi pơmin hăng bruă ngă, rŭ tơgŭ djop tơhnal gal hăng ngăn rơnoh, pơtrut kơtang pơđĭ kyar bơwih ƀong – mơnuih mơnam, pơdŏng Daklak jai hrơi pơdrong asah klă hiam, djă jă gru grua./.  

Siu H’ Prăk: Pô pơblang