VOV4.Jarai - Mơguah lơ 8/12, jơnum lok 3, Khul pơ ala mơnuih ƀon sang tơring čar Daklak tal X, rơwang thun 2021-2026 hơmâo pơphun. Thun 2021 lĕ thun bưp tơnap tap, tơlơi lông yua klin Covid-19 ngă. Samơ̆, pơđut thun 2021, Daklak hwomâo 8 hơnong pơkă dưi ngă hăng rơgao tơlơi pơkă, hrưn đĭ pơđĭ kyar tơlơi bơwih ƀong huă (đĭ 5,1% pơhmu tui tơđar thun hlâo); pơhrui ngăn drăp hăng pơhưč tuh pơ alin mơng djop anih anom rơgao hăng tơlơi ba tơbiă, him lăng truh pơ rơbêh 8.000 klai prăk (đĭ 10% pơhmu hăng tơlơi pơkă mơng Khul pơ ala mơnuih ƀon sang tơring čar jao); mrô anom bơwih ƀong sĭ mơdrô pơwŏt glăi mă bruă đĭ tui, bruă sĭ mơdrô gơnam tam amăng tơring čar pơhlôm hơđong; bruă pơtô pơjuăt, bơwih brơi tơlơi suaih pral kơ mơnuih ƀon sang, djru brơi tơlơi hơdip mơda, pơhrŏ trun ƀun rin, djru brơi ƀing mơnuih bưp tơnap amăng hrơi hơmâo klin Covid-19 hơmâo đing nao ngă …

Đĭ pơhiăp git gai mông jơnum,ơi Nguyễn Đình Trung, Ding kơna Ping gah dêh čar , Khua git gai Ping gah tơring čar Daklak rơkâo: Pơ anăp anai, djop gưl, djop gơnong bruă, ƀon lan tŏ ngă tui tơlơi git gai mơng gơnong glông amăng djop mơta bruă kiăng kơ pok pơhai tŭ yua hơdôm tơlơi pơsit mơng Jơnum Ping gah đơ đam dêh čar tal XIII hăng tơlơi pơsit mơng Jơnum Ping gah tơring čar tal XVII, sit biă ñu, đing nao ngă tui khut khăt, tŭ yua hơdôm tơlơi pơsit mrô 128 thun 2021 mơng Kơnuk kơna.

Siu Đoan: Pơblang