VOV4.Jarai - Truh 4 mông tlam lơ 29/7, tơring čar Daklak hơmâo dong 7 cô mơnuih ƀă klin Covid-19, đĭ tui mrô mơnuih ƀă klin amăng tơring čar lĕ 185 čô. Tơring čar ăt čơkă lu mơnuih glăi mơng kual hơmâo klin lĕ mơng hơdôm tơring čar, ƀôn prong gah dơnung laih dong glăk kiăo tui lăng kjăp tui tơlơi pơkă. Tui tơlơi pơhing mơng Khul git gai pơgang klin Covid-19 tơring čar Daklak, 7 čô mơnuih phrâo ƀă klin ƀuh ƀơi 4 anih anun lĕ: tơring glông Čư̆ Mgar 3 čô, Krông Bông 2 čô, Krông Pač 1 čô hăng plơi prong Buôn Ma Thuột 1 čô. Amăng mrô mơnuih phrâo ƀă klin, hơmâo 1 čô ƀuh amăng anih pơčlah pơƀut, lĕ mơnuih ba nao pơčlah mơng anih ƀuh klin hlâo anun. Dŏ glăi, lêng ƀing mơnuih bơdjơ̆ nao tơring čar Bình Dương. Tơring čar Daklak amăng hơdôm hrơi giăm anai ăt hơmâo lu mơnuih glăi mơng ƀôn prong Hồ Chí Minh, Bình Dương hăng hơdôm tơring čar kual gah Dơnung. Lu mơnuih ƀuh bơdjơ̆ nao mơnuih ƀă klin lơ̆m glăi mơng kual hơmâo klin hăng glăk kiăo tui lăng amăng plang pơhing brơi ƀing mơnuih glăi mơng kual hơmâo klin.

Siu Đoan: Pơblang