VOV4.Jarai - Mơng lơ 2/10 truh lơ 6/10, tơring čar Daklak hơmâo čơkă giăm 17.000 čô mơnuih mơng ƀôn prong Hồ Chí Minh glăi pơ plơi pla, amăng mrô anai hơmâo lu mơnuih tlâ̆o 1 ară vaccine pơgang klin Covid-19 laih. Amăng mrô giăm 17.000 čô mơnuih glăi pơ Daklak mơng ƀôn prong Hồ Chí Minh hăng hơdôm tơring čar kual Dơnung, hơmâo 68 čô mơnuih F0 pơjrao suaih, 1224 čô mơnuih hơmâo tlâ̆o 2 ară vaccine hăng giăm 5 rơbâo čô mơnuih tlâ̆o 1 ară.

Giăm 5000 čô mơnuih glăi pơ Daklak phrâo tlâ̆o sa ară vaccine

Hăng mrô giăm 5.000 čô mơnuih tlâ̆o vaccine 1 ară glăi pơ plơi pla, ngă kơ bruă kah pha vaccine mơng tơring čar bưp tơnap. Kiăng kơ pơhlôm brơi abih bang mơnuih hơmâo tlâ̆o vaccine pơgang klin Covid-19 1 ară dưi tlâ̆o ară tal 2 dong djơ̆ hrơi mông pơkă, Daklak amra jŭ yap glăi mrô mơnuih tlâ̆o tui hluai djuai vaccine, mơng anun amra hơmâo hră pơ-ar rơkâo Kơnuk kơna pơhrua vaccine brơi lăp djơ̆.

Siu Đoan: Pơblang