VOV4.Jarai - Tơdơi kơ ƀing mơnuih F1 pơčrang lăng 3 wŏt lêng kơ huăi ƀă virus Sars-Cov2, rơbêh kơ 140 čô mơnuih ƀơi kual guang dar ăt pơčang lăng tal 2 huăi ƀă klin, mơguah lơ 26/5, Jơnum min mơnuih ƀon sang tơring čar  Daklak pơsit lui hĭ guang dar jơlan mrô 189/1 Mai Hắc Đế, phường Tân Thành, plơi prong Buôn Ma Thuột, Daklak - anih hơmâo 2 čô mơnuih ƀă klin Covid-19.

Yă Trần Thị Dinh, Kơ-iăng khua Jơnum min mơnuih ƀon sang phường Tân Thành brơi thâo, amăng hơdôm hrơi pơčlah kiăo tui lăng, hrŏm hăng bruă pơpha mơnuih dŏ gak kiăng pơhlôm pơgang klin, gong gai hơmâo jak iâu mơnuih ƀon sang djru brơi gơnam ƀong huă hăng gơnam yua pơkŏn dong. Tui hăng yă Trần Thị Dinh, pơ anăp anai, mah lui hĭ guang dar, phường ăt tŏ ngă tui bruă kiăo tui lăng hŭi klin lar hyu kiăng pơgang hĭ hmao tlôn.

Siu Đoan: Pơblang