VOV4.Jarai - Tơring čar Daklak ră anai glăk mă ia khak pơčrang lăng ƀơi anih gak ĕp klin kơ hơdôm mơnuih glăi mơng hơdôm bôh tơring čar kual Dơnung. Kiăo tui anun, hơdôm mơnuih mơgăt rơdêh pơgiăng gơnam tam, hơdôm mơnuih đĭ rơdêh ôtô pô hăng rơdêh thut rai mơng bôh prong Hồ Chí Minh hăng sa dua bôh tơring čar gah kual Dơnung kah hăng: Đồng Nai, Bình Dương, Vũng Tàu, Tiền Giang mut ƀơi tơring čar Daklak amra dưi mă ia khak pơčrang lăng tañ ƀơi anih gak ĕp klin ƀơi jơlan mrô 14 gah să Hoà Phú, plơi prong Buôn Ma Thuột.

Hơdôm mông mă ia khak pơčrang lăng mơng lơ 18 truh kơ lơ 30/6/2021. Ơi Trịnh Quang Trí, Khua Anom wai lăng tơlơi duam ruă tơring čar Daklak brơi thâo: Bruă mă ia khak pơčrang lăng tañ ƀơi anih gak ĕp klin amra djru Daklak gơgrong hlâo hloh amăng bruă pơgang klin Covid-19./.

Siu H’ Prăk: Pô pơblang