VOV4.Jarai - Lơ 28/7, plơi prong Buôn Ma Thuột, tơring čar Daklak pơphun mă ia khak test tañ Sars-CoV-2 hăng abih bang hơdôm mơnuih Shipper mă bruă amăng plơi prong kiăng thâo mơnuih ƀă kơman. Kiăng dưi mă ia khak test tañ Sars-CoV-2, ƀing shipper nao pơ̆ anih anom pô wai lăng kiăng lăi pơsit hră shipper.

Ƀing shipper dưi mă ia khak pơčrang lăng amăng dua hrơi lơ 28 hăng lơ 29/7/2021

Tơdơi kơ anun, ƀing anai nao pơ̆ Sang hră đom lom djuai ania ƀiă – Gưl 2 plơi prong Buôn Ma Thuột, mrô 395, jơlan Phan Bội Châu, phường Thành Nhất pioh mă ia khak pơčrang lăng. Hrơi mă ia khak him lăng amăng dua hrơi, mơng lơ 28 truh kơ 29/7. Plơi prong pơtrut pơsur ƀing shipper nao pơčrang lăng kiăng thâo hơdôm mơnuih ƀă kơman, djru bruă pơgang pơgăn klin klă hloh./.

Siu H’ Prăk: Pô pơblang