VOV4.Jarai -  Jơnum min mơnuih bôn sang tơring čar Daklak phrâo mă yua hră pơ-ar kơ bruă pơphun pơtô pơhrăm mơng lơ 4/10/2021. Kiăo tui anun, hăng hơdôm anih anom dưi pơsit “kual pơhlôm huăi hmâo klin”, ƀơi gưl čơđai anet brơi čơđai 5 thun dưi nao sang hră kiăng hrăm hăng tơlơi nai pơtô hăng čơđai leng kơ dô̆ ƀơi kual “pơhlôm huăi hmâo klin”; hơdôm hnưr thun pơkon dưi pơdơi hrăm dong truh kơ hmâo tơlơi lăi pơhing phrâo.

Hăng hơdôm anih anom gah kual hmâo klin ƀơ ƀiă, hmâo klin lu, hmâo klin kơtang, gưl čơđai anet pơdơi sang hră truh kơ hmâo tơlơi lăi pơthâo phrâo; mơng gưl sa hăng dlông hloh lĕ, pơtô hrăm lăng nao rai mơng ataih dong. Gơnong bruă pơtô pơhrăm tơring čar Daklak git gai, gum hrom hăng Gơnong bruă ia jrao, Jơnum min mơnuih ƀôn sang hơdôm tơring glông, plơi prong črâo ba hơdôm anih anom pơtô pơhrăm lăi pơthâo dong kơ nai pơtô, mơnuih apăn bruă, mơnuih mă bruă hăng pơtô brơi amĭ ama čơđai sang hră, čơđai sang hră ngă tui tơpă hơdôm bruă pơgang, pơgăn klin Covid-19; hrom hăng anun gơgrong hlâo hmâo jơlan gah prăp lui kơ tơlơi amra hmâo klin gluh đĭ ƀơi anih anom pô./.

Siu H’ Prăk: Pô pơblang