VOV4.Jarai - Yua bơbeč mơng kơthel mrô 5, sa, dua anih amăng tơring čar Daklak hơmâo hơjan kơtang, ngă ia ling dăo. Ƀơi tơring glông Lak, sa amăng hơdôm anih ngă hmua pơdai prong hloh amăng tơring čar, hơmâo 230 ektar hmua pơdai ia ling dăo, mơnuih ƀon sang glăk ječ ameč nao yuă pơdai amăng hrơi hơjan hlim mơtăm.

Mơnuih ƀon sang hơđăm drơi jăn amăng ia yuă pơdai

Ơi Nguyễn Viết Quang, Khua anom bruă ngă hmua hăng pơđĭ kkyar ƀon lan tơring glông Lak brơi thâo, ia mơng hlao rô trun pơ ia Krông Na hăng hơdôm čroh ia prong anun lĕ Dăk Phơi, Dak Liêng, ngă kơ hơdôm rơtuh ektar hmua pơdai ia ling dăo, lu hloh lĕ ƀơi 3 boh să Dak Liêng, Buôn Triết, Buôn Tría hăng him lăng hmua pơdai ia dăo amra prong tui dong. Gơnong bruă bơdjơ̆ nao hơmâo gum hrŏm hăng Jơnum min mơnuih ƀon sang hơdôm să Buôn Tría, Buôn Triết hăng Dak Liêng  jŭ yap glăi hơdôm hmua pơdai răm rai kiăng kơ djru brơi tui tơlơi pơsit mrô 02 thun 2017 mơng Kơnuk kơna.

Siu Đoan: Pơblang